အနာဂတ်ကို .... ပိုင်ဆိုင်ဖို့ ...... ငါတို့ကိုယ်တိုင်...... ကြိုးစားစို့.....

မှတ်သားကြရမယ့် .... အမေ့ အမှာစကား...

Saturday, June 4, 2011

"တကိုယ်ရည်စာ အာဏာရှင် တော်လှန်ရေး"



အနည်းဆုံး ကိုယ့်စည်းကိုယ်လုံတဲ့ နိုင်ငံသားကောင်းတယောက်ဖြစ်အောင်နေ မယ်ဆိုရင် တောင် အာဏာရှင်စနစ်ကို အလိုလိုဆန့်ကျင်ပြီးသားဖြစ်ပါလိမ့်မယ်။ ကိုယ့်စည်းကိုယ်လုံဖို့ဆိုတာ ကိုယ့်ခြေထောက်ပေါ်ကိုယ်ရပ်ပြီး ကိုယ့်အသိစိတ်ဓါတ်နဲ့ကိုယ် အာဏာရှင်တွေရဲ့ အမြီးကျက်အမြီးစား၊ ခေါင်းကျက်ခေါင်းစားတဲ့ စနစ်ကိုလက်မခံဖို့၊ တဦးချင်းတမိသားစုချင်း အဂတိကင်းတဲ့ စားဝတ်နေရေးကို ဖန်တီးဖို့ ကိုယ့်ပါတ်ဝန်းကျင်ကိုလည်း အဂတိကင်းတဲ့ စီးပွားရေး လူမှုဆက်ဆံရေးစနစ်ကို ထူထောင်ပေးဖို့ပါ။
ဘယ်လောက်ပဲ ဆင်းရဲပါစေ၊ ပြည်သူတိုင်း အဂတိ ကို ငြင်းဆန်ပြီး ပြတ်ပြတ်သားသားနေမယ်ဆိုရင် အာဏာရှင်တွေအတွက် နေစရာနေရာရှိမှာမဟုတ်တော့ဘူး။ အာဏာရှင်စနစ်ဆိုတာ အဂတိ နဲ့ တည်ဆောက်ထားတာ။
ခုတော့ ပြည်သူတွေကိုယ်တိုင် အဂတိမှုကိုမရှောင်ရှားနိုင်ကြဘူးဖြစ်နေတယ်။
ဆန်ရောင်းတဲ့သူက ဆန်ခိုး၊ ဆီရောင်းတဲ့သူကဆီခိုး၊ ဘုရင့်နောင်ပွဲရုံက သိန်းထောင်ချီ ရင်းနှီးနေတဲ့ ကုန်သည်ကြီးတွေလည်းခိုး၊ ၀န်ထမ်းတွေလည်းခိုး၊ ဆရာဝန်လည်း ဆရာဝန်အရောက်၊ အင်ဂျင်နီယာလည်းအင်ဂျင်နီယာအရောက်၊ ကျောင်းဆရာလည်းကျောင်းဆရာအရောက် အားလုံး အဂတိ မှုတွေကို မငြင်းဆန်နိုင်ဘူးဖြစ်နေကြတယ်။ အာဏာရှင်တွေဟာ အဲဒီ အဂတိတွေနဲ့ အသက်ဆက်နေတာပါ။
အဂတိမှုကို ပြည်သူတိုင်းက ငြင်းဆန်ကြမယ်ဆိုရင် ကိုယ့်စည်းကိုယ်လုံကြမယ် အာဏာရှင်တွေသွေးဆောင်ဖြားယောင်တဲ့ အခွင့်အရေးတွေကို ငြင်းဆန်ပြီး ကိုယ်ကျင့်တရားတွေကိုညီညီညွတ်ညွတ်နဲ့ စောင့်ထိန်းကြမယ်ဆိုရင် အာဏာရှင်တွေနေစရာ တနေရာစာတောင် မရှိစေရဘူး။

ချိုတူးဇော်

No comments:

Post a Comment